འཇོལ་མོའི་གྲེ་འགྱུར།

འཇིག་རྟེན་མི་རུ་སྐྱེས་པ།། དྲིན་ཆེན་ཕ་མའི་དྲིན་རེད།། ཕ་མའི་དྲིན་ལན་ཤེས་དུས།། འཇིག་རྟེན་ཕྱི་མར་གཤེགས་ཟིན།། ང་ཡི་དྲིན་ཆེན་ཕ་མ།། ད་ལྟ་གང་དུ་བཞུགས་སམ།། འགྲོ་བ་མི་ཡི་ལུས་རྟེན།། ཐོབ་པར་སྙིང་ནས་རེ་ཡོད།། དྲིན་ཆེན་ཕ་མའི་ཞལ་རས།། བསྒོམས་ཀྱང་ཡིད་ལ་མི་ཡོང་། ཕ་མའི་གསུང་གི་དུམ་བུ།། མིང་སྲིང་ངག་ལས་ཐོས་མྱོང་།། ཐོས་པའི་གསུང་ཚིག་རེ་རེ།། ཡིད་ལ་དམ་པོར་བཅངས་ཏེ།། ཕ་མའི་བཀའ་དྲིན་གསབ་ཕྱིར།། འགྲོ་ལ་བརྩེ་སེམས་བཟུང་ཡོད།། ང་ཡི་དྲིན་ཆེན་ཕ་མ།། ད་ལྟ་འདི་རུ་ཡོད་ན།། བུ་ངས་ལུས་སེམས་གཉིས་ཀྱིས།། གང་ལྕོགས་ཞབས་ཕྱི་ཞུ་ངེས།། འཇིག་རྟེན་ཕ་འཛོམས་མ་འཛོམས།། བུ་དང་བུ་མོ་རྣམ་པ།། དྲིན་ཆེན་ཡབ་ཡུམ་བཞུགས་དུས།། ཁ་ལོག་ཚིག་ལོག་མ་རྒྱག། ཕ་མ་ལ་ཁའི་ཉི་མ།། ནུབ་ལ་བཞུད་པར་མི་རིང་།། འདར་འདར་མི་ཚེ་ལྷག་མར།། གང་ནུས་སྙོར་སྐྱོང་གནང་རོགས།། ཕ་མའི་དྲིན་ལན་བསམ་ནས།། ཚེ་འདིར་ཞབས་ཞུ་གནང་དགོས།། ཕྱི་མའི་ཡུལ་དུ་ཆས་དུས།། འགྱོད་ཀྱང་བྱེད་ཐབས་མི་འདུག། འཇིག་རྟེན་ཕ་མའི་བཀའ་དྲིན།། ཚེ་འདིར་གཞལ་ཐུབ་མེད་ཀྱང་།། ཞིམ་པོའི་བཟའ་བཏུང་འབུལ་རོགས།། འཇམ་པོའི་གོས་ལྭ་གཡོག་རོགས།། ཁ་ལེན་ཚིག་བ

༧ཞྭ་དཀར་གཡང་དྲུང་བསྟན་པའི་སྲོག་འཛིན་ཀྱེ།།   སྔོན་ནས་དད་དམ་གཙང་བའི་ཡིད་འཕྲོག་ཀྱང་།།   ལེ་ལོ་རྒྱུ་ལུག་དུག་གིས་མཚོ་མོ་ནས།།   མཇལ་བའི་སྐལ་བ་མ་ཤར་ཀྱེ་མ་ཧུད།། དེ་རིང་སྐུ་ལུས་འཇའ་མཚོན་དབྱིངས་གཤེགས་པའི།།   མི་འདོད་གཏམ་ངན་དུག་རླངས་གང་སར་འཁྱར།།   ཀྱེ་མ་དད་འབངས་བདག་སོགས་མུན་པས་བཏུམ།།   སྡུག་གི་འོ་དོད་འཛམ་གླིང་ཀུན་ནས་གྲགས།། ལས་ཅན་བོན་སྒྲས་བསྐྱངས་པ་ངོ་མཚར་ཆེ།།   ལས་ངན་བདག་འདྲར་དབང་བ་སྨྲེ་ངག་ཙམ།།   ལས་ཅན་ལས་ངན་དེ་རིང་སྡུག་མཚོར་ལྷུང་།།   ཀྱེ་མ་ཀྱི་ཧུད་སྡུག་འདི་སུ་ཞིག་ཐེགས།། སྔ་ལོར་རྨ་ཆེན་གངས་ཟུར་ཉུལ་སྐད་ལོ།།   བོད་ཀྱི་བླ་རི་ཞིག་པར་ཡིད་མ་ཁུམ།།   དེ་རིང་༧རྒྱལ་བ་སྨན་རི་བོན་དབྱིངས་གཤེགས།།   བོད་རྒྱུད་བོན་འབངས་སྲོག་རྩ་སྙིང་མ་ཞུམ།། འཛམ་གླིང་ཉི་མ་ཆེན་པོས་ས་གསུམ་འགྲོ།།   རེ་སྐོང་འཕྲིན་ལས་བྱིན་མཐུས་བདག་ཅག་འབངས།།   ལས་འབྲས་བསླུ་བ་མེད་པའི་བདེན་སྟོབས་ཀྱིས།།   ཡང་སྤྲུལ་ཉི་གཞོན་མགོན་དུ་མྱུར་བྱོན་ཀྱེ།། ༧ཞྭ་དཀར་བསྟན་པའི་གཙུག་རྒྱན་༧སྐྱབས་རྗེ་༧རྒྱལ་བ་སྨན་རིའི་ཁྲི་འཛིན་སོ་གསུམ་པ་རིན་པོ་ཆེ་མཆོག་དགོངས་པ་བོན་དབྱིངས་སུ་ཐིམ་པའི་ཡིད་སྐྱོ་བའི་གནས་ཚུལ་ཐོས་འཕྲལ་ཡིད་ཤིན

ཞོགས་པའི་མགྱོགས་བྲིས། དགའ་མ་རྩིབ་ན་ཡོད་དུས།། བརྩེ་བ་སྙིང་ན་མི་འདུག། རང་རང་ས་ལ་ཐོར་དུས།། མཐོང་ཚད་བརྩེ་བ་རེད་འདུག། ༢༠༡༣། ༠༢། ༡༧། Translated into English By Lobsang Jinpa. When the lover is with me, there is no felling of love with her. When separated with her, everywhere I look appears love to Me.!

ལུས་འདི་ས་ལ་བཞག་ནས།། སེམས་དེ་རྒྱང་ལ་འཕུར་ཐལ།། རྒྱང་རིང་ཅི་ཙམ་འཕུར་ཡང་།། སྟོང་ཁམས་ཆོད་ཐབས་མེད་སོང་།།   བོད་ཡུལ་ཕྱོགས་ལ་འཁོར་ནས། ། སེམས་བསྐྱེད་ཐེངས་གཅིག་བྱས་ཡོད།། མ་ཤི་ཕྱིར་ལོག་མེད་ཚེ།། རུས་ཐལ་གངས་ལ་གཏོར་རོགས།། ༢༠༡༣། ༠༤། ༠༤། ཉིན་བྲིས།  Leaving the physical body behind Flew far, are my thoughts No matter how far it flew It never crossed the sky’s limit In de direction of Tibet Flung are, my dispositions If I were to die here without return in sight Scatter my ashes on the snowy mountains Translated into Tibetan BY. Dorjee Dhondup July 15, 2013

ཝ་ར་ན་སི།  ནམ་མཁའ་ནི་སྔ་ཞིང་བསངས།།  ཉི་འོད་ནི་ཚ་ཞིང་སྲེག།  སྡོང་ལོ་ནི་རྙིད་ཅིང་འཁུམས།།  མི་རྣམས་ནི་ཉོབ་ཅིང་དུབ།།   བྱ་བྱེའུ་རྣམས་གང་ལ་བྲོས།།  འབའ་འབུ་རྣམས་གང་ལ་འཛུལ།།  ས་སྟེང་འདི་ཚ་བེར་བེར།།  ད་ལྟ་ཉིད་འབར་ལ་ཉེ།།   སྐད་ཆ་ནི་སྟོབས་ཀྱིས་བཤད།།  གཅིག་གཅིག་ལ་མིག་ལོག་ལྟ།།  དོན་མེད་དུ་ཁྲོས་སམ་ཅི།།  རྒྱ་སྲང་འདི་ཁྲོ་མིས་ཁེངས།།  ཉོབ་ཏོ་ཡིས་ཉོབ་ཏོར་བཤད།།  ཉོབ་ཏོ་ཡིས་ཉོབ་ཏོ་དྲུད།།  རྒྱ་སྲང་འདི་ཉོབ་ཏོས་ཁེངས།།  འཇིག་རྟེན་འདི་ཉོབ་ཏོ་རེད།།  གཞུང་ལམ་རྣམས་བཤིག་ཅིང་རལ།།  འཕྲུལ་འཁོར་དང་མི་ཟོག་འཚིང་།།  འཁོར་ལོ་རྐང་ལག་རྣམས།།  གཅིག་ཐོག་གཅིག་སྤོ་ཞིང་འགྲོ།།  ཁང་ཁྲོམ་རྣམས་ཐལ་མདོག་རེད།།  ཉི་འོད་ཀྱིས་བལྡགས་སོང་གམ།།  མི་ཟོག་ཀྱང་ཐལ་བའི་མདོག།  གནའ་རྫས་ལྟར་རྙིང་རལ་གྱུར།།  རྒན་རྒོན་རྣམས་ཡིད་དག་འདྲ།།  གཞོན་པ་རྣམས་ཕག་ལྟར་ཚོ།།  བྱིས་པ་ཚོར་སྙིང་རྗེ་སྐྱེས།།  ཡུལ་འདི་ན་སྣ་ཚོགས་གཟུགས།། ཕྱི་ལོ་༢༠༡༣། ༠༣། ༢༦ གུང་ཡོལ་ཙམ་ལ་བྲིས།

རང་ཉིད་ལ་གདམས་པའི་མདོ།  ཉི་མ་སྤྲིན་གྱིས་བཀབ་པ་ཡིས།།  ང་ཡི་མགོ་བོ་གཡོགས་དང་མཚུངས།།  བྱ་བྱེའུ་གྲེ་བ་བསྲིངས་ནས་ནི།།  ཅིར་ཅིར་དབྱངས་ཀྱིས་ལྷིང་འཇགས་དཀྲོགས།།  ཞོགས་རླུང་བསིལ་བོས་ལུས་པོ་བཀྲུས།།  ཁོར་ཡུག་ཡངས་པོས་ཡིད་སྒོ་ཕྱེས།།  ཕྱི་དང་ནང་ན་གནས་རྣམས་ཀྱིས།།  ང་ཡི་སྙན་ཚིག་ལམ་སྣ་འདྲེན།།  ང་ནི་དབང་པོ་འཁྲུག་སམ་ཅི།།  ལ་ལར་སེམས་དག་གནས་སམ་ཅི།།  ཡིད་ཀྱི་དྭངས་མ་ལྷག་གམ་ཅི།།  ད་དུང་མགོ་བོ་རྨོངས་འདི་ཅི།།  སེམས་འདིས་ཅི་ཡང་མི་ཤེས་སམ།།  ལུས་འདིར་རང་དབང་མེད་འདི་ཅི།།  རང་འདོད་གསལ་བོ་མ་ཡིན་ནམ།།  ད་དུང་འཆང་མོ་ཉུག་དགོས་ཅི།།  ལས་དག་གསལ་བོར་གནས་གྱུར་ན།།  ལས་ལ་དཔག་པའི་ལས་བྱོས་ཤིག།  ལས་གང་མུན་པར་གནས་གྱུར་ན།།  ལས་བྱས་གཡང་ལ་ཟེགས་ཉེན་འགྱུར།།  ང་ནི་ཁྱོ་བོར་གྱུར་ཏམ་ཅི།།  ཆུང་མ་ག་ཤད་གནས་སམ་ཅི།།  ཁྱོ་ཤུག་མི་ལྡན་སེམས་འདི་ཡིས།།  ཁྱོད་ཉིད་ལ་ནི་རྟག་ཏུ་གཅེས།།  ཡིད་ཁྱོད་དབུས་སུ་ལེགས་བཞུགས་ཏེ།།  དབང་པོའི་འཕྲུལ་འཁོར་བཀོལ་བར་བྱས།།  ཐམས་ཅད་བྱུང་རྒྱལ་ཕྱོགས་བཏང་བས།།  ཐལ་བར་གྱུར་ན་ཡིད་མུག་འགྱུར།།  འབྲས་བུ་ཐོབ་ཆེད་ལྗོན་པའི་རྩེར།།  མི་དགོས་ས་ཡི་སྟེང་དུའང་ཆོག།  དོན་རྣམས་མཆོག་དམན་ལེགས་ཐོབ་ལའང་།།  དྲུང

༄༅།། དཔལ་ལེགས་ལྡན་ནག་པོའི་གླུ་ཞེས་བྱ་བ་བཞུགས་སོ།། ལེའུ་བཅུ་གཉིས་པ། དད་པའི་རྣལ་འབྱོར། སྲིད་སྒྲུབ་ཀྱིས་དྲིས་པ། འདི་ལྟར་གང་ཞིག་རྟག་དད་པས།།ཁྱོད་ལ་ཡོངས་སུ་གུས་པ་དང་།།གང་གིས་མི་འགྱུར་མི་གསལ་ལ། །དེ་དག་སུ་ཞིག་རྣལ་འབྱོར་མཆོག། དཔལ་ནག་པོས་རྗེས་སུ་བསྟན་པ།། གང་ཞིག་ང་ལ་ཡིད་ཕབས་ཏེ།།རྟག་ཏུ་ང་ལ་བསྙེན་བཀུར་བྱེད།།དད་པ་མཆོག་གིས་ཉེར་བགྲོད་དེ།།སྦྱོར་བ་མཆོག་ཅེས་བདག་གིས་སེམས།། གང་ཡང་མི་འགྱུར་མི་མཐོང་ཞིང་།།མི་གསལ་ཐམས་ཅད་ཀུན་ལ་ཁྱབ།།བསམ་དུ་མེད་ཅིང་གཡོ་བ་མེད།།བརྟན་པ་ཐེར་ཟུག་རྩེ་མོའི་གནས།། དབང་པོའི་ཚོགས་ནི་ཡོངས་བསྡུས་ཏེ།།འབྱུང་པོ་ཀུན་ལ་ཕན་དགའ་བས།།ཀུན་མཉམ་བློ་ཡིས་གུས་བྱེད་པ།།དེ་རྣམས་ང་ཉིད་ཁོ་ན་རྙེད།། མི་གསལ་བ་ལ་སེམས་ཆགས་པ། །དེ་དག་གི་ནི་ཉོན་མོངས་ལྷག།མི་གསལ་བ་ཡི་བགྲོད་པ་ནི།།ལུས་ཅན་རྣམས་ཀྱིས་ཐོབ་པར་དཀའ།། གང་ཡང་ང་ལ་མཆོག་བྱས་ཏེ།།ལས་རྣམས་ཐམས་ཅད་རབ་སྤངས་ནས།།རྩེ་གཅིག་ཁོ་ནའི་རྣལ་འབྱོར་གྱིས།།ང་ཉིད་བསྒོམས་ཤིང་བསྙེན་བཀུར་བྱེད།། ང་ལ་སེམས་ཕེབས་དེ་དག་ནི།།ང་ཡིས་རིང་པོ་མི་ཐོགས་པར།།འཆི་བ་འཁོར་བའི་རྒྱ་མཚོ་ལས།།ཡང་དག་འདྲེན་ནོ་པྲི་ཐའི་བུ།། སེམས་ནི་ང་ལ་ཀུན་ཏུ་བཞག །རྟོགས་པ་ང་ལ་ངེས་པར་བཀོད།།ང་ཉིད་ཁོ་ནར་ངེས་གནས་པ།།དེ་ནས་ཕྱིན་ཆད