མཁས་དབང་དགེ་འདུན་ཆོས་འཕེལ་དང་འབྲེལ་མི་སྣ་གལ་ཆིག་ངོ་སྤྲོད་བྱེད།

(མཁས་དབང་དགེ་འདུན་ཆོས་འཕེལ་གྱིས་ཏུན་ཧོང་ཡིག་རྙིང་ངོ་བཤུས་གང་ནས་བྱས་སམ།)

ཁོང་ནི་ནུབ་གླིང་བོད་རིག་པའི་མཁས་པ་གྲགས་ཅན་ཞིག་རེད། འོན་ཀྱང་མང་པོ་ཞིག་གིས་ཁོང་གི་སྐོར་ལ་ཐུགས་རྒྱུས་དང་ཡིད་གཏོད་གནང་མི་འདུག དམིགས་བསལ་དགེ་ཆོས་ཞིབ་འཇུག་གནང་མཁན་དང་དགེ་ཆོའི་སྐོར་ལ་ཁ་གྲགས་ཚོས་ཐུགས་སྣང་མེད་པ་ཚོར།་དེ་བས་ཁོང་གི་སྐོར་རགས་ཙམ་ཞུ།

ཁོང་གི་མཚན་ལ་གཞས་བྷ་ཁོད་ཟེར། འདི་ཧྥ་སྐད་གྱི་སྒྲ་འདོན་ལྟར་བོད་ཡིག་བྲིས་པ་ཡིན།

གཞས་བྷ་ཁོད་ནི་ཧྥ་རན་སིའི་བོད་རིག་པའི་མདུན་སྐྱོད་པ་དང་མྱུལ་ཞིབ་པ་ཞིག་རེད། ཁོང་ནི་ཕྱི་ལོ་༡༨༧༧ ས་༡༩༦༥ བར་གྱི་ཧྥ་རན་ཆིའི་མི་ཞིག་རེད། རྒྱ་གར་དང་རྒྱ་ནག་ནུབ་ཕྱོགས། བོད་ཀྱི་ས་མཚམས་ཁུལ་བཅས་མང་པོ་མྱུལ་ཞིབ་བྱས། ཁོང་ནི་ནུབ་ཕྱོགས་ཀྱི་མི་བོད་ཀྱི་སྲོལ་རྒྱུན་བརྡ་སྤྲོད་རིག་པའི་མཁས་པ་ཐོག་མ་དེ་ཡིན་པར་བཤད་ཅིང་། ནུབ་ཕྱོགས་པ་བོད་ཀྱི་ཏུན་ཧོང་ཡིག་རྙིང་ལ་མཁས་པ་ཐོག་མ་ཐོ་མསྲ་(༡༨༦༧ ནས་༡༩༥༦)དང་མཉམ་འབྲེལ་དུ་གཏོགས་པ་ཞིག་ཀྱང་ཡིན་འདུག

གཞས་བྷ་ཁོད་དང་མཁས་དབང་དགེ་ཆོས།

གཞས་བྷ་ཁོད་ནི་བོད་དུ་ཡང་ཡང་སོ་མྱུལ་དུ་བསྐྱོད་ཅིང་མཁས་དབང་དགེ་འདུན་ཆོས་འཕེལ་གྱི་རོགས་རམ་ཡང་རེག་མྱོང་ཡོད་འདུག དེ་ནི་ཁོང་གིས་བོད་ཀྱི་ཏུན་ཧོང་ཡིག་རྙིང་ལ་འགྲེལ་བཤད་ཞུ་ཡུལ་ཡག་པོ་ཞིག་ཡིན་པ་མ་ཟད། མཁས་དབང་དགེ་འདུན་ཆོས་འཕེལ་གྱི་ཏུན་ཧོང་བོད་ཀྱི་ཡིག་རྙིང་ལ་ལྟ་བཤུས་བྱེད་སའང་ཁོའི་ལག་ནས་ཡིན་འདུག་སྙམ་སྟེ།  དེབ་དཀར་དུ་འཁོད་པ་དང་གཞས་བྷ་ཁོད་ཀྱིས་༡༩༤༠ ལོར་པར་སྐྲུན་བྱས་པའི་ཏུན་ཧོང་ཡིག་རྙིང་སྐོར་གྱི་དེབ་དེར་འཁོད་པའི་ཡིག་ཆ་གཉིས་གཅིག་པ་རེད་འདུག འོན་ཀྱང་དགེ་ཆོས་ཀྱི་དེབ་དཀར་དུ་ཡིག་རྙིང་ཁག་གསུམ་ཙམ་ལས་འཁོད་མེད་པས། དགེ་ཆོས་ལ་ཡིག་རྙིང་ཆ་ཚང་ངོ་བཤུས་མ་རེག་པའམ་ཡང་ན་དེབ་དཀར་མཇུག་རྫོགས་པར་བྲིས་ཡོད་ཚེ་དེབ་སྤྱོད་གནང་ཡོད་སྲིད་དམ། གཞས་བྷ་ཁོད་དང་དགེ་ཆོས་སྐོར་འཁོད་པའི་ཡིག་ཆ་དེར་གཞན་ཞིག་ནི་གཞས་བྷ་ཁོད་༡༩༣༠ ནས་༡༩༣༢ བར་སྐབས་སུ་རྒྱ་གར་དང་ཁ་གྱེས་ཡོད་པ་དང་།་དགེ་ཆོས་ཁོང་གཏམ་རྒྱུད་གསེར་ཐང་ལྟར་ན་༡༩༣༤ ལོ་རབ་བྱུང་བཅུ་དྲུག་པའི་ཤིང་ཕོ་ཁྱིའི་ལོར་རྒྱ་གར་དུ་ཕེབས་པ་ཡིན་སྟབས། ལོ་དུས་ཀྱི་ཆ་ནས་མཇལ་སྟབས་མ་འགྲིག་པ་འདྲ་ཞིག་འདུག་མོད། གཞས་བྷ་ཁོད་ཁོང་༡༩༣༢ ལོ་རྒྱ་གར་དང་གྱེས་རྗེས་ཡང་བསྐྱར་དགེ་ཆོས་རྒྱ་གར་ནས་བོད་དུ་མ་ཕེབས་གོང་(༡༩༣༤ ནས་༡༩༤༥) བར་དེར་རྒྱ་གར་དུ་ཕེབས་ནས་མཇལ་ཡོད་དམ། (ད་དུང་དབྱེ་ཞིབ་བྱ་དགོས་པ་འདུག)

གཞས་བྷ་ཁོ་ཡིས་བོད་ཡུལ་དུ་བོད་རིག་པའི་མྱུལ་ཞིབ་བྱེད་རྒྱུ་ནི་སྤྱི་ལོ་༡༩༠༤ ཙམ་ནས་༡༩༠༦ བར་དུ་ཡིན་ཞིང་། སྐབས་དེར་ཁོ་ནི་རྟོགས་ཞིབ་ལས་འགུལ་དེ་ཐོང་ཁུན་(བེ་ཐ་ནམ་གྱི་ནུབ་ཕྱོགས་ཁུལ་ཀྱི་ས་གནས་ཞིག་གི་མིང་)ཞེས་པའི་ས་གནས་བོད་ཀྱི་གནས་མཇལ་བའི་མཉམ་དུ་གནས་མཇལ་ལམ་ཁ་ཁག་བརྒྱུད་ནས་རྟོགས་ཞིབ་ལས་འགུལ་དེའི་འགོ་བཙུགས་འདུག ༡༠༩༠༨ ལོར་ཕྱིར་ཧྥ་རན་སིར་ལོག་ཕེབས་འདུག་པ་དང་། བོད་རིག་པའི་མཁས་པ་སིལ་བིན་དང་མཉམ་དུ་བོད་ཀྱི་སྐོར་ལ་སློབ་གཉེར་བློ་རྩེ་གཅིག་སྒྲིམ་གནང་།

ད་དུང་ཁོས་ཨེ་ཤ་ཡའི་ཡུལ་ལུང་དག་ལས་འབྲི་ཆུ་(༡༩༠༧) དང་།

ལྷོ་ཤར་ཨེ་ཤ་ཡ(༡༩༠༩ ནས་༡༠༡༠)།

༡༩༡༣ ནས་༡༩༡༤ དང་ཡང་༡༩༣༠ ནས་༡༩༣༡ བར་བཅས་སུ་བོད་དང་ཧི་མ་ལ་ཡའི་ས་ཁུལ་ཁག་ཏུ་རྟོགས་ཞིབ་གནང་། རྗ་ཁེས་ནི་ཕྱི་ལོ་༡༩༣༦ ལོ་ཧྥ་རན་སིའི་བོད་རིག་པ་སློབ་སྦྱོང་གི་འགན་འཛིན་གྱི་མཚན་གནས་བཟུང་པ་དང་། ཕྱི་ལོ་༡༩༤༧ ལོར་ ཚོགས་མི་གྱུར། ༡༩༠༨ ལོར་ཨེ་ཤ་ཡའི་ཚོགས་སྡེའི་ནང་ཞུགས། བརྐོས་ཡིག་དང་དྲིལ་བུའི་ཡི་གེའི་ལས་སྡེ།

ཏུན་ཧོང་བོད་རིག་པའི་མཁས་དབང་ཕུལ་ཕེ་ཕེའི་ཊ་འདས་རྗེས་ཕྱི་ལོ་༡༩༤༥ འགན་འཛིན་དང་།

ཁོ་ལ་བདག་དབང་ཅན་གྱི་ཚོན་བྲིས་དང་ལི་མ་སོགས་ནི་ཁོང་གིས་འཚོལ་སྒྲུབ་བྱས་པའི་རྒྱུ་དངོས་སྣ་ཚོགས་ཚང་མ་ཕ་རེ་སིའི་གྷུའི་མེད་འགྲེམ་སྟོན་དུ་ཡོད་ཅིང་། དེ་ནི་ཁོས་༡༠༡༢ ལོར་འགྲེལ་སྟོན་ཁང་དེར་ཞལ་འདེབས་སུ་ཕུལ་བ་ཡིན་འདུག ཁོང་གི་དཔེ་མཛོད་ཁང་གི་དཔེ་དེབ་རྣམས་དང་ཡིག་ཆ་སྣ་ཚོགས་ཀྱང་ཁོང་འདས་རྗེས་འགྲེམ་སྟོན་ཁང་དེར་ཞལ་འདེབས་སུ་ཕུལ་འདུག

ཁོང་ལ་གསུང་རྩོམ་དང་འགྱུར་དེབ་མང་པོ་ཡོད་ཅིང་།་དེ་དག་ལས་མི་ལ་རས་པ་དང་བོད་ཀྱི་བརྡ་སྤྲོད་སྐོར་ཏུན་ཧོང་བོད་ཀྱི་ཡིག་རྙིང་སོགས་ནི་གྲགས་ཆེ་ཞིང་། བརྩམས་ཆས་ལ་བོད་ཀྱི་སྙང་ངག་མི་ལ་རས་པ་དང་། ཁོང་གི་སྡིག་པ། ཚོད་ལྟ། ཐར་པ། བོད་ཀྱི་སྲོལ་རྒྱུན་བརྡ་སྤྲོད་རིག་པའི་གཞུང་ལས་ཐོན་མི་སམ་བྷོ་ཊའི་ཚིགས་བཅད་འགའ། བོད་ཀྱི་བརྡ་སྤྲོད་པའི་བསྟན་བཅོས། བོད་ཀྱི་བརྡ་སྤྲོད་པའི་བསྟན་བཅོས་ལས་མིང་ཚིག་གྲུབ་ཚུལ་རེའུ་མིག ཏུན་ཧོང་ཡིག་རྙིང་ལས་བོད་ཀྱི་ལོ་རྒྱུས་དང་འབྲེལ་༡༩༤༠ ལོར་པར་སྐྲུན་བྱས། ཁོང་གི་བརྩམས་ཆོས་ཁག་རིམ་༡༩༡༣ ནས་༡༩༥༦ བར་དུ་རིམ་པས་པར་སྐྲུན་འགྲེལ་སྤལ་བྱས་འདུག

ཞར་བྱུང་།

མཁས་དབང་དགེ་འདུན་ཆོས་འཕེལ་གྱི་ཏུན་ཧོང་ཡིག་རྙིང་༼མང་པོ་ཞིག་༽ལ་མཇལ་ས་ཐོག་མ་དེ་ཁོང་གི་ལག་ནས་ལྟ་བཤུས་བྱས་པར་རྩོམ་ཡིག་འགར་གསལ་མོད། ཞིབ་ཏུ་ཐུགས་སྣང་ཅན་ཚོས་འཚོལ་ཞིབ་གནོངས།

གཅན བཟོད་རྒྱམ་པས་༢༠༠༩ ལོའི་དཔེ་ཀློག་ཟིན་ཐོ་ལས་དྲངས། ཞིབ་ཚགས་བསྐྱར་ཞིབ་བྱས་མེད་པ་ཐུགས་འཇགས་འཚལ། ༢༠༡༩།༠༣།༠༧ ཉིན་བསྐྱར་སྣོན་བྱས། ༢༠༡༩།༠༣།༡༧ ཉིན་གྲོགས་པོ་དོན་གཉེར་ཅན་ཚོར་མཉམ་སྤྱོད་བགོ་བཤའི་ཚུལ་དུ་ཕུལ་བ་ལགས།