རྒྱལ་བུ་དང་སྤྲེའུ།
(ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་P.T.900.ལས་དེ་བཞིན་གཤེགས་པས་རྒྱལ་པོ་གོ་འཕངས་བཏུལ་བ་ཞེས་པ་ལས་གོ་བདེར་ཕབས་པ།)
གནའ་སྔ་མོ་རྒྱལ་པོ་ཞིག་གིས་རང་གི་སྲས་ཡི་གེ་སློབ་ཏུ་གཏོང་བ་ལ། རོལ་མོར་མཁས་པའི་སྤྲེའུ་གཅིག་ཕྱི་བཞིན་དུ་བཏང་། ལམ་དུ་རྒྱལ་སྲས་ཤིང་ཀུན་ཙ་ལའི་གྲིབ་འོག་ལ་ཉལ་ཞིང་ངལ་གསོ་བ་དང་སྦྲང་མ་མི་འོང་བར་སྤྲེའུ་ལ་སྲུང་དུ་བཅུག སྤྲེའུས་ཤིང་སྟེང་ལ་བལྟས་ནས་ཀུ་ཤུ་གཅིག་འདུག་པ་མཐོང་ནས། ཀུ་ཤུ་ལེན་དུ་ཤིང་སྡོང་ལ་འཛེགས། རྐེད་ཙམ་དུ་བསླེབས་པ་དང་ཕྱིར་བལྟས་བར་རྒྱལ་སྲས་ཀྱི་ཞལ་ལ་སྦྲང་བུ་གཅིག་བབས་ཤིང་ཟ་བཞིན་འདུག་པ་མཐོང་ནས། སྤྲེའུ་སྐྲགས་ཏེ་ཤིང་སྡོང་ལས་བབས་ནས་ལག་པ་གཉིས་ཀྱིས་རྡོ་ཞིག་བླངས་ཏེ་སྦྲང་མ་ལ་བསྣུན་པ། སྦྲང་མ་མ་སོད་པར་འཕུར། རྒྱལ་སྲས་དེར་བསད། སྤྲེའུ་འཇིགས་ཏེ་རིའི་ཕ་རོལ་ཏུ་འབྲོས་སྙམ་ནས་སོང་སོང་བ་དང་། བར་གྱི་ཆུ་ཆེན་པོ་ཞིག་ལ་མ་ཐར་ཏེ་རྡུགས་པ་ལས། མི་གླང་དེད་ཅིག་འོངས་ཏེ་མི་དེས་གླང་གི་མཇུག་མར་འཇུས་ཏེ་ཆུར་བརྒལ་ནས་སོང་བ་དང་། སྤྲེའུས་དེ་མཐོང་ནས་སྙིང་ལ་ངས་ཀྱང་བདག་གི་མཇུག་མར་འཇུས་ཏེ་ཆུར་རྒལ་ན་ཐར་སྙམ་ནས་ཁོ་བོ་རང་ཉིས་ཀྱི་མཇུག་མར་འཇུས་ཏེ་ཆུར་ཞུགས་པས་ཆུས་འཁྱེར་ཏེ་ཤིའོ།།
༢༠༠༣ ལོའི་ཟླ་༦ པའི་ཚེས་༡༡ ཉིན་ས་རཱ་མཐོ་སློབ་ཏུ།
གནའ་སྔ་མོ་རྒྱལ་པོ་ཞིག་གིས་རང་གི་སྲས་ཡི་གེ་སློབ་ཏུ་གཏོང་བ་ལ། རོལ་མོར་མཁས་པའི་སྤྲེའུ་གཅིག་ཕྱི་བཞིན་དུ་བཏང་། ལམ་དུ་རྒྱལ་སྲས་ཤིང་ཀུན་ཙ་ལའི་གྲིབ་འོག་ལ་ཉལ་ཞིང་ངལ་གསོ་བ་དང་སྦྲང་མ་མི་འོང་བར་སྤྲེའུ་ལ་སྲུང་དུ་བཅུག སྤྲེའུས་ཤིང་སྟེང་ལ་བལྟས་ནས་ཀུ་ཤུ་གཅིག་འདུག་པ་མཐོང་ནས། ཀུ་ཤུ་ལེན་དུ་ཤིང་སྡོང་ལ་འཛེགས། རྐེད་ཙམ་དུ་བསླེབས་པ་དང་ཕྱིར་བལྟས་བར་རྒྱལ་སྲས་ཀྱི་ཞལ་ལ་སྦྲང་བུ་གཅིག་བབས་ཤིང་ཟ་བཞིན་འདུག་པ་མཐོང་ནས། སྤྲེའུ་སྐྲགས་ཏེ་ཤིང་སྡོང་ལས་བབས་ནས་ལག་པ་གཉིས་ཀྱིས་རྡོ་ཞིག་བླངས་ཏེ་སྦྲང་མ་ལ་བསྣུན་པ། སྦྲང་མ་མ་སོད་པར་འཕུར། རྒྱལ་སྲས་དེར་བསད། སྤྲེའུ་འཇིགས་ཏེ་རིའི་ཕ་རོལ་ཏུ་འབྲོས་སྙམ་ནས་སོང་སོང་བ་དང་། བར་གྱི་ཆུ་ཆེན་པོ་ཞིག་ལ་མ་ཐར་ཏེ་རྡུགས་པ་ལས། མི་གླང་དེད་ཅིག་འོངས་ཏེ་མི་དེས་གླང་གི་མཇུག་མར་འཇུས་ཏེ་ཆུར་བརྒལ་ནས་སོང་བ་དང་། སྤྲེའུས་དེ་མཐོང་ནས་སྙིང་ལ་ངས་ཀྱང་བདག་གི་མཇུག་མར་འཇུས་ཏེ་ཆུར་རྒལ་ན་ཐར་སྙམ་ནས་ཁོ་བོ་རང་ཉིས་ཀྱི་མཇུག་མར་འཇུས་ཏེ་ཆུར་ཞུགས་པས་ཆུས་འཁྱེར་ཏེ་ཤིའོ།།
༢༠༠༣ ལོའི་ཟླ་༦ པའི་ཚེས་༡༡ ཉིན་ས་རཱ་མཐོ་སློབ་ཏུ།
Comments
Post a Comment