འཇོལ་མོའི་གྲེ་འགྱུར།

(མཁས་དབང་དགེ་འདུན་ཆོས་འཕེལ་གྱིས་ཏུན་ཧོང་ཡིག་རྙིང་ངོ་བཤུས་གང་ནས་བྱས་སམ།) ཁོང་ནི་ནུབ་གླིང་བོད་རིག་པའི་མཁས་པ་གྲགས་ཅན་ཞིག་རེད། འོན་ཀྱང་མང་པོ་ཞིག་གིས་ཁོང་གི་སྐོར་ལ་ཐུགས་རྒྱུས་དང་ཡིད་གཏོད་གནང་མི་འདུག དམིགས་བསལ་དགེ་ཆོས་ཞིབ་འཇུག་གནང་མཁན་དང་དགེ་ཆོའི་སྐོར་ལ་ཁ་གྲགས་ཚོས་ཐུགས་སྣང་མེད་པ་ཚོར།་དེ་བས་ཁོང་གི་སྐོར་རགས་ཙམ་ཞུ། ཁོང་གི་མཚན་ལ་གཞས་བྷ་ཁོད་ཟེར། འདི་ཧྥ་སྐད་གྱི་སྒྲ་འདོན་ལྟར་བོད་ཡིག་བྲིས་པ་ཡིན། གཞས་བྷ་ཁོད་ནི་ཧྥ་རན་སིའི་བོད་རིག་པའི་མདུན་སྐྱོད་པ་དང་མྱུལ་ཞིབ་པ་ཞིག་རེད། ཁོང་ནི་ཕྱི་ལོ་༡༨༧༧ ས་༡༩༦༥ བར་གྱི་ཧྥ་རན་ཆིའི་མི་ཞིག་རེད། རྒྱ་གར་དང་རྒྱ་ནག་ནུབ་ཕྱོགས། བོད་ཀྱི་ས་མཚམས་ཁུལ་བཅས་མང་པོ་མྱུལ་ཞིབ་བྱས། ཁོང་ནི་ནུབ་ཕྱོགས་ཀྱི་མི་བོད་ཀྱི་སྲོལ་རྒྱུན་བརྡ་སྤྲོད་རིག་པའི་མཁས་པ་ཐོག་མ་དེ་ཡིན་པར་བཤད་ཅིང་། ནུབ་ཕྱོགས་པ་བོད་ཀྱི་ཏུན་ཧོང་ཡིག་རྙིང་ལ་མཁས་པ་ཐོག་མ་ཐོ་མསྲ་ ( ༡༨༦༧ ནས་༡༩༥༦ ) དང་མཉམ་འབྲེལ་དུ་གཏོགས་པ་ཞིག་ཀྱང་ཡིན་འདུག གཞས་བྷ་ཁོད་དང་མཁས་དབང་དགེ་ཆོས། གཞས་བྷ་ཁོད་ནི་བོད་དུ་ཡང་ཡང་སོ་མྱུལ་དུ་བསྐྱོད་ཅིང་མཁས་དབང་དགེ་འདུན་ཆོས་འཕེལ་གྱི་རོགས་རམ་ཡང་རེག་མྱོང་ཡོད་འདུག དེ་ནི་ཁོང་གིས་བོད་ཀྱི་ཏུན་ཧ

རྒྱ་གར་བྱུང་རབས་ཆེན་མོའམ་མ་ཧ་བྷ་ར་ཏའི་གཏམ་རྒྱུད་འདི་ནི་དྲང་སྲོང་རྒྱས་པས་མཛད་པ་དང་། གཏམ་རྒྱུད་ཆེན་མོ་འདི་མཛད་པའི་སྐབས་སུ་དྲང་སྲོང་རྒྱས་པ་ཁོང་དགུང་ལོ་༡༧༡ ལ་ཕེབས་ཡོད་པས། གཏམ་རྒྱུད་ཆེན་མོ་འདི་འབྲི་བར་ངལ་ཆེ་སྟབས། ཡིག་མཁན་གཞན་ཞིག་འཚོལ་དགོས་བྱུང་བ་དང་། དེ་ཡང་ཕལ་བའི་མི་རྣམས་ནི་ཉོན་མོངས་ཅན་ཡིན་པས་ནོར་འཕྱུགས་འབྱུང་སླ་བར་རྟེན། གཏམ་རྒྱུད་ཆེན་མོ་འདི་ཡི་གེ་འབེབ་པར་ཚོགས་བདག་གླང་སྣས་ཁས་བླངས་ཤིང་། གཏམ་རྒྱུད་ཆེན་མོ་འདི་ཡི་གེར་བཀོད། ཚོགས་བདག་གིས་ནོར་འཕྱུགས་མེད་པར་ཡི་གེར་འབེབས་རྒྱུ་དང་། དྲང་སྲོང་རྒྱས་པས་ཀྱང་གཏམ་རྒྱུད་འདི་བཤད་མཚམས་མི་འཇོག་པར་ཉིན་མཚན་བསྟུད་མར་བཤད་རྒྱུར་ཞལ་གྱིས་བཞེས། དེ་ལྟར་གཏམ་རྒྱུད་འདི་གྲུབ་པ་ཡིན་ལ། ཁྱོན་སྡོམ་ཤོ་ལོ་ཀ་འབུམ་གཅིག་ལྷག་ཡོད་པར་གྲགས།   སྤྱིར་མ་ཧ་བྷ་ར་ཏའི་དམག་འཁྲུག་མ་བྱུང་སྔོན་དུ་དྲང་སྲོང་རྒྱས་པ་འདིས་སྐྱེས་བ་བརྒྱ་བླངས་མྱོང་བ་དང་། དེ་ཡང་སྐྱེས་བ་རེ་རེའི་མཛད་པ་ཐ་དག་མ་ལུས་པར་དྲན་པས་རིག་བྱེད་བཞི་ཆ་ཚང་བ་དང་ཨུཔནིཥད་གསང་གཞུང་༼འདི་ལ་བོད་སྔ་རབས་པས་བདུད་རྩི་ཐིག་ལུང་དང་ཉེར་གུས་ཞེས་སྒྱུར༽བརྒྱ་དང་བརྒྱད་ཡང་ཞིབ་ཏུ་ཐུགས་རྒྱུས་ཆེ་ཞིང་དྲན་པས། མ་ཧ་བྷ་ར་ཏའི་གཞུང་ཆེན་མོ་འདི་མཛད་པར་ཆ་ར

དེ་རིང་ཕྱོགས་པར་“དང་ར་གཡུ་མཚོ་”དང་འབྲེལ་བའི་ཟིན་ཐོ་ཐུང་ངུ་ཞིག་བྲིས་ཏེ་དྲ་ངོས་སུ་བཞག དཔྱོད་ལྡན་འགས་དགོངས་ཚུལ་གསུངས་ཏེ་བགྲོ་གླེང་གང་འཚམ་བྱུང་བར་དགའ་སྤྲོ་ཆེ། རྒྱུ་མཚན་ནི་ཁོང་ཅག་ཀྱང་བོད་ཀྱི་རིག་གཞུང་ལ་ཤ་ཚ་དང་ཐུགས་སྣང་ལྡན་པ་ཙམ་མ་ཡིན་པས་ཤེས་རྟོགས་ཟབ་པ་དག་རེད་སྙམ། དེ་མཚུངས་ཁོང་ཅག་ལས་འགའ་རེས་དང་ར་ཞེས་པའི་གོ་དོན་འགྲེལ་ཚུལ་ལ་དགོངས་ཚུལ་གསུངས་པ་དང་། ཡང་འགའ་རེས་དང་ར་ཞེས་པའི་དག་ཆའི་ཏད་ནས་དགོངས་ཚུལ་གསུངས་འདུག ཚང་མར་ཡི་རངས་ཞུ། བདག་གིས་ཉིན་འདི་འགར་བོད་ཀྱི་བརྡ་རྙིང་ཡིག་ཆ་འགར་མཇལ་བཞིན་ཡོད་ཅིང་། ཟིན་ཐོ་འདི་འབྲི་སྐབས་ཀྱང་བོད་ཀྱི་བརྡ་རྙིང་མཇལ་བའི་སྐབས་དང་འཁེལ་ཡོད་པས་ཏན་ཏན་དཔེ་ཁུངས་ལ་གཞི་བཅོལ་བ་ལས་ཚོད་ཚོད་དུ་བྲིས་མེད། དེ་ཡང་རྒྱུ་མཚན་ནི་ཟིན་ཐོ་འདི་འབྲི་འདོད་ཀྱི་ཀུན་སློང་ཅི་ལྟར་བྱུང་བ་སོགས་ཟིན་ཐོ་དེའི་འགོ་འཛུགས་སྐབས་བྲིས་ཡོད་པ་དེ་ལྟར་ཡིན། “ དེ་རིང་བརྡ་རྙིང་མང་པོར་མཇལ་བ་ཡིན།   བརྡ་དོན་མང་པོ་ཞིག་ནི་ཚ་གདུང་སེལ་བའི་སྐོར་ཆུ་རུ་གྱུར།   དེ་དག་ལས་འགའ་རེ་དྲ་ངོས་སུ་བཀོད་ཡོད། འདིར་བརྡ་རྙིང་གཅིག་ལ་ཆེད་དུ་བགྲོ་གླེང་ཞུ་འདོད། དེ་ནི་ “ དང་ར་ ” ཞེས་པ་དེ་ཡིན། ” ཅེས་གསལ་བོར་བྲིས། དེ་ཡང་ཁ་སང་ཕྱི་དྲོ་

དེ་རིང་བརྡ་རྙིང་མང་པོར་མཇལ་བ་ཡིན། བརྡ་དོན་མང་པོ་ཞིག་ནི་ཚ་གདུང་སེལ་བའི་སྐོར་ཆུ་རུ་གྱུར། དེ་དག་ལས་འགའ་རེ་དྲ་ངོས་སུ་བཀོད་ཡོད།  འདིར་བརྡ་རྙིང་གཅིག་ལ་ཆེད་དུ་བགྲོ་གླེང་ཞུ་འདོད། དེ་ནི་༼དང་ར་༽ཞེས་པ་དེ་ཡིན། (འདི་ལ་དྭངས་ར་ཞེས་ད་ཝ་ཟུར་དང་ཡང་འཇུག་ཅན་འབྲི་བའང་རེ་འག་མཇལ་མྱོང་།) ངས་༼དང་ར་༽ཞེས་པའི་མིང་འདི་མཐོང་མ་ཐག་སེམས་སུ་༼དང་ར་གཡུ་མཚོ་༽ དྲན་བྱུང་། ༼དང་ར་གཡུ་མཚོ་༽ ནི་བོད་ཀྱི་མཚོ་ཆ་ཆུང་རྣམས་ལས་ཆེས་སྔ་ཤོས་དེ་ཡིན་ཟེར་མཁན་ཡོད། གང་ལྟར་བོད་ཀྱི་མཚོ་ཆ་ཆེ་ཆུང་རྣམས་བས་གཏིང་ཟབ་ཤོས་དེ་ཡིན་པ་རེད། མཚོ་སྤྱིའི་གཏིང་ཟབ་ཚད་ནི་སྨི་༢༡༠ དང་། མཚོའི་ཆགས་དབྱིབས་ནི་བྱང་ཤར་ནས་ལྷ་ནུ་ཕྱོགས་སུ་བརྐྱངས་འདུག་པ་དང་། ལྷོ་བྱང་བར་དུ་རིང་ཚད་ལ་སྟོང་སྨིས་༨༠ ལྷག་ཡོད། དབྱེ་ཞིབ་པ་འགའ་རེས་བརྗོད་གསལ་ལ་དང་ར་གཡུ་མཚོ་འདི་མི་ལོ་ས་ཡ་གསུམ་གྱི་སྔོན་ནས་བོད་ཀྱི་ས་མཐོར་ས་བརྡིབས་བྱུང་ཤུལ་དུ་ཆགས་པར་བཤད། མཚོའི་མཐའ་སྐོར་དུ་སྤང་གཞུང་སྔོན་མོས་བརྒྱན་ཅིང་དེང་གི་ས་དབྱེས་ནག་ཆུ་ས་ཁུལ་ཉི་མ་རྫོང་ཁོངས་སུ་གཏོགས།   ༼དང་ར། ༽ ཐ་སྙད་འདི་བོད་ཀྱི་བརྡ་རྙིང་པར་ར་བའམ་ར་སྐོར་གྱི་དོན་ཡིན་ལ། གཡུ་མཚོ། གཡུ་མཚོ་ནི་མཚོ་གང་དེའི་མདོག་གཡུ་ལྟར་

སྐྱེས་ནས་ད་ལྟའི་བར་དུ་ནང་བསྟན་ལ་དད་དམ་གཡོ་མེད་བྱས་ནས་མི་ཚེ་སྐྱེལ་བ་ཡིན་ཟེར་ན་གང་འདྲ་འདུག ནང་བསྟན་ལས་ཀྱང་ཆུང་དུས་ནས་རི་བོ་དགེ་ལུགས་པའི་བསྟན་པའི་སྒོར་ཞུགས་ཁུལ་བྱས་པ་དང་། དེའི་ལུགས་ཀྱི་ཆོས་སྤྱོད་བློ་འཛིན་དང་འདོན་རྟ་དབྱངས་གསུམ་ལ་བགས་ཙམ་སྦྱངས། དེ་ལྟར་ཚེ་འདིའི་ཕྱེད་རྫོགས་ཟིན་པ་རེད།   ནང་བསྟན་པ་ཐོས་བསམ་བྱས་པའི་གོ་སྐལ་སྤྲད་ཀྱང་ལེན་མ་ཐུབ་པར་ཐལ་དངུ་ནང་དུ་མཆོངས། འོན་ཀྱང་བོད་མི་བྱིངས་ལྟར་ནང་བསྟན་ལ་དད་པ་དམ་ཚིགས་ཆེ་མདོག་གིས་ཕྱག་སྐོར་ཁ་འདོན་རེ་བྱས་དང་བྱེད་ཡོད་མོད། དེ་ཡང་རྒྱ་གར་འཕགས་པའི་ཡུལ་གྱི་སྟོན་པ་ཐུགས་རྗེ་ཅན་གྱིས་གཙོས་འཕགས་ཡུལ་གྱི་པཎ་གྲུབ་འགའ་རེའི་མཚན་དང་མཛད་པ། དེ་དག་གིས་གསུང་གི་བཀའ་བསྟན་བཅོས་རེ་འགར་མཇལ་བ་ལས་གཞན་མཚན་བྱང་ཙམ་འགྱུར་ཕྱག་ཙམ། ཡང་ན་དེ་དག་གི་ལོ་ཙཱའི་བྱུང་བ་ཙམ་རེ་ལས་ཅི་ཡང་མི་ཤེས་ལ། བོད་ཀྱི་ལོ་པཎ་བཀའ་དྲིན་གྲངས་མང་པོའི་གྲས་ནས་ཀྱང་དེ་མཚུངས་ལོ་པཎ་འགའ་རེའི་མཚན་ཙམ་དང་། ཁོང་ཅག་གིས་འགྱུར་པའི་བཀའ་བསྟན་བཅོས་རེ་འགའ་ལས་མཇལ་མྱོང་ལ་ཤེས་ཀྱང་མི་མོད། བོད་ཀྱི་རིག་པའི་གནས་བཅུའི་གསུང་རབ་འབུམ་ཕྲག་དུ་མ་ཡོང་པ་རྣམས་ནི་ཕ་རིའི་སྤང་རྒྱན་གྱི་དཔེ་སྟེ། བོད་ཀྱི་མཁས་གྲུབ་དག་གི་མཚན་ཙམ་ཡང་ན་དེ་དག་གི་གསུང་འ

སྤྱི་ལོ་༢༠༡༨ ལོའི་སྤྱི་ཟླ་༩ པའི་ཚེས་༣ ནས་ཚེས་༧ པར་དུ་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་ཐེངས་ལྔ་པ་དེ་བཞིན་ཨུ་རུ་སུའི་ནུབ་ཕྱོགས་གྲོང་ཁྱེར་སན་པི་ཏི་པོག་གཙུག་ལག་སློབ་ཆེན་དུ་ཚོགས་ཡོད་པ་དང་། ཚོགས་འདུའི་སྟེང་བོད་དང་རྒྱ་གར་གཙོས་ཕྱི་ཁབ་མ་འདྲ་བ་བཅོ་ལྔ་ལྷག་གི་འབུམ་རམས་པ་དང་ཞིབ་འཇུག་པ། དགེ་རྒན་ཆེན་མོ་སོགས་མི་སྣ་བདུན་བཅུ་དོན་དྲུག་ཙམ་ཡོད་ཀྱི་དཔྱད་རྩོམ་སྙིང་བདམས་ཐོན་བྱུང་བྱུང་པའི་ནང་ནས་མི་འགའ་རེ་སྐབས་ཐོག་ཚོགས་མ་ཐུབ་པ་དང་། གཞན་མི་སྣ་བདུན་བཅུ་ཡས་མས་ཤིག་འཛོམས་ཐུབ་ཡོད།   སྤྱིར་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་འདི་ནི་༡༩༧༧ ལོར་སུ་སིའི་རྒྱལ་ཁབ་ཀྱི་གྲོང་ཁྱེར་འཛུ་རིག་ཏུ་ཐེངས་དང་པོར་བསྐོང་ཚོགས་གནང་བ་དང་། སྐབས་དེར་ཚོགས་པའི་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་དེ་རིམ་པས་རྒྱལ་སྤྱིའི་བོད་རིག་པའི་གྲོས་ཚོགས་ཀྱི་ངོ་བོར་བསྒྱུར་ཏེ་གཞོན་ནུའི་བོད་རིག་པའི་གྲོས་ཚོགས་མར་པར་གྱུར་བ་དང་། སྐར་ཡང་༢༠༠༧ ལོར་ཨིན་ཇིའི་རྒྱལ་ས་ལོན་ཌོན་དུ་རྒྱལ་སྤྱིའི་གཞོན་ནུའི་བོད་རིག་པའི་གྲོས་ཚོགས་དང་པོ་ཞེས་བསྐོང་ཚོགས་གནང་བ་དང་། ལོ་དེའི་སྤྱི་ཟླ་༨ པའི་ཚེས་༡༢ ཉིན་ལས་རིམ་ཚོགས་འདུ་ཞིག་ཀྱང་བསྐོང་ཚོགས་གནང་སྟེ་རྒྱལ་སྤ