འཇོལ་མོའི་གྲེ་འགྱུར།

གུ་གེ་ལ་འཁྱུག་ཙམ་ལྟ་བ། གུ་གེ་ནི་གནའ་བོའི་ཞང་ཞུང་གི་རྒྱལ་ས་སྟེ། དེང་སང་བོད་རང་སྐྱོང་ལྗོངས་རྩ་མདའ་རྫོང་ཁོངས་དང་མངའ་རིས་ཁུལ་ཀྱི་ལྷོ་ནུབ་ཕྱོགས་སུ་ཡོད་ཅིང༌། ནུབ་དང་ལྷོ། བྱང་བཅས་རྒྱ་གར་དང་ཀ་ཤི་རྨིར་དང་ས་འབྲེལ་ཡིན་པ་དང༌། ཤར་དང་ལྷོ་ངོས་བོད་རང་སྐྱོང་ལྗོངས་ཀྱི་སྒར་རྫོང་དང་པུ་རངས་རྫོང་དང་འབྲེལ་ནས་ཡོད། གུ་གེ་ཞེས་པའི་ཐ་སྙད་འདི་བོད་ཀྱི་ཡིག་ཐོག་ཏུ་སླེབས་སྔ་ཤོས་ནི་བདག་གིས་མཐོང་བའི་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ༼བཙན་ལོ་རིམ་བྱུང་གི་ལོ་རྒྱུས༽ཞེས་པ་དེ་ཡིན་ལ། དེ་ཡང་ཡིག་ཆ་དེའི་ཤོག་གྲངས་༥༨ ལས། "བྲན་གྱི་ནི་སྐལ་པོག་པ། གུ་གེ་ནི་རྐང་པྲན་ཞིག། འཁོལ་དུ་ནི་མ་ཐོ་འམ། གུ་གེ་ནི་བདྲིས་ཤིང་སྡང༌།" ཞེས་པ་ནི་བོད་རྒྱལ་སྲོང་བཙན་སྒམ་པོའི་སྐབས་སུ་ཁོང་གི་སྲང་མོ་ཞང་ཞུང་རྒྱལ་པོ་ལིག་མི་སྐྱའི་བཙུན་མོར་གཤེགས་ཤིང༌། ཕྱིས་སུ་སྤུག་གྱིམ་བརྩན་རྨང་ཅུང་ཕོ་ཉར་མངགས་པར། བཙུན་མོ་སད་མར་ཀར་གྱིས་གཅེན་པོ་སྲོང་བཙན་ལ་ངག་འཕྲིན་གྱི་མགུར་བཞེངས་སྐབས་ཀྱི་ཚིག་དུམ་ཞིག་ཡིན་པས་ན། གུ་གེ་ཞེས་པའི་ཐ་སྙད་འདི་ཞང་ཞུང་བོད་ཀྱི་མངའ་རིས་སུ་མ་བཙུད་གོང་ནས་ཡོད་པས་གུ་གེ་ཞེས་པ་བོད་སྐད་མ་ཡིན་ལ། བདག་གིས་དེ་སྔོན་མཐོང་བའི་ལ་དྭགས་ཀྱི་ལོ་རྒྱུས་ཡིག་ཆ་མཚན་མི་དྲནཞ...

______"སྡེ་སྲིད"་ཅེས་པའི་ཐ་སྙད་ཀྱི་འབྱུང་ཁུངས་ལ་རགས་ཙམ་དཔྱད་པ། སྤྱིར་སྡེ་སྲིད་ཅེས་པ་ནི་ཡུལ་སྡེའི་སྲིད་དབང་སྟེ། སྲིད་དབང་སྡེ་ཚན་གཅིག་པའི་ས་ཆ་ལ་གོ་ཞིང༌། སྡེ་སྲིད་གཅིག་པའི་ས་ཞེས་པའང་སྲིད་དབང་སྡེ་ཚན་གཅིག་པའི་ས་ཆར་གོ་བ་ཡིན། ཡང་ཡུལ་སྡེའི་སྲིད་དབང་འཛིན་པའི་མི་སྣ་མཐོ་ཤོས་ཏེ་སྡེ་སྲིད་དང་སྡེ་པའང་ཟེར་སྲོལ་བྱུང༌། དེ་ཡང་སྡེ་སྲིད་ཅེས་པ་ཐོག་མར་ཏ་སི་བྱང་ཆུབ་རྒྱལ་མཚན་གྱི་བཀའ་ཆེམས་མཐོང་བ་དོན་ལྡན ༼༡༩༨༩ལོ། བོད་ལྗོངས་མི་དམངས་དཔེ་སྐྲུན་ཁང༌།༽ གྲངས༡༧༦ ལས། "ཁྱེད་ལྷ་ཁང་པས། ང་སྡེ་སྲིད་ཀྱི་སྟེང་དུ་གནོད་པ་བདེ་དོག་དེ་ཙམ་ཞིག་བསྐྱལ་"ཞེས་པ་ནི་སྡེ་སྲིད་ཅེས་པའི་ཐ་སྙད་བདག་གིས་མཐོང་བ་ཐོག་མ་དེ་ཡིན་ལ། ཏ་སི་བྱང་ཆུབ་རྒྱལ་མཚན་གྱི་བཀའ་ཆེམས་མ་བརྩམས་པའི་སྔོན་དུ་སྡེ་སྲིད་ཅེས་པའི་ཐ་སྙད་འདི་ཧ་ལམ་མེད་པ་འདྲ། ཏ་སི་བྱང་ཆུབ་རྒྱལ་མཚན་གྱིས་རབ་བྱུང་ལྔ་བའི་ཆུ་ཁྱི་སྤྱི་ལོ་༡༣༢༢ ལ་ས་སྐྱའི་བཀའ་ཤོག་དང་སྦྲགས་ཁུ་བོ་རྒྱལ་མཚན་སྐྱབས་ཀྱི་ཁྲི་དཔོན་ཕབ་སྟེ་རང་ཉིད་ཀྱིས་ཕག་གྲུའི་ཁྲི་དཔོན་མཛད་དེ་སྣེ་གདོང་རྫོང་གཞིས་རྩིས་བླངས། ༡༣༤༨ ལོར་ཚལ་བ་བླངས། ༡༣༥༢ ལོར་འབྲི་གུང་བླངས། ༡༣༥༤ ལོར་ཐད་ཀར་ས་སྐྱར་དམག་དྲངས་ཏེ་ས་སྐྱའི་གདན་ས་པ་ཏཱ་དབོན་བློ་གྲོས་...

དེ་རིང་ཨ་ཁུ་ཀླུ་སྨྱོན་ལགས་ཀྱིས་དྲན་སྐུལ་ཞིག་གནང་བྱུང་། དེ་བས་དཔེ་བཀླགས་ཟིན་ཐོ་འདི་བདག་གི་ཟིན་བྲིས་སུ་བཀོད་པ་ཡིན། སྤྱིར་དཔེ་བཀླགས་ཟིན་ཐོ་འདི་ཐོག་མར་བརྒྱགས་སྐབས་སུ་དགེ་འདུན་རབ་གསལ་ལགས་ཀྱིས་བསྒྱུར་རྩལ་ཕྱོགས་ལ་དབྱེ་ཞིབ་ཙམ་བྱེད་སྙམ་ནས་ཡིན་ཀྱང་། དཔེ་དེབ་འདི་ཀློག་གིན་ཀློག་གིན་བསྒྱུར་བཟང་མིན་གྱི་ཚོར་བ་དེ་ཡོངས་སུ་བརླགས་ཟིན་པའི་ཚབ་ཏུ། སྐབས་དེའི་ལོ་རྒྱུས་ཕྱིར་དྲན་གྱི་སྐྱོ་གདུང་གིས་རབ་ཏུ་ཡོངས་སུ་ནན་ཏེ་ཟིན་ཐོའི་ཀ་ཕྱོགས་གཙོ་བོའང་གཞན་ཞིག་ཏུ་འགྱུར་སོང་། དེ་བས་སངས་རྒྱས་ཀྱི་དཔའ་རྟུལ་ཚོ་བཀླགས་པའི་ཟིན་བྲིས་འདི་འདྲ་ཞིག་ཆགས་སོང་། དྲ་གྲོགས་ཚོས་རང་ཉིད་ལ་དགོས་པའི་ཚིག་དུམ་གང་དང་ཅི་ཡིན་ཀྱང་འདི་ནས་ལེན་རོགས་གནོང་། ཨོ་རེད། གོ་སྐབས་འདི་བརྒྱུད་ནས་ལོ་ཙཱ་བ་དགེ་འདུན་རབ་གསལ་ལགས་ལ་ཐུགས་རྗེ་ཆེ་ཞུས་པ་ཡིན། གཤམ་གྱི་ཟིན་བྲིས་རྣམས་དཔེ་དེབ་ཀློག་སྐབས་བརྒྱབས་པ་དེ་ལས་བཅོས་གང་ཡང་བྱས་མེད། 30th April 2009.ཉིན་ནས་ཀློག་འགོ་བཙུགས་པ་ཡིན། གཤམ་དུ་བཀོད་པ་ནི་སྒྱུར་ཡིག་འདིའི་སྡེབ་སྦྱོར་དང་དོན་སྟོན་སྟངས་སོགས་མི་འོས་པ་དང༌། གཏན་ནས་མི་ལེགས་པའི་རིགས་རྣམས་འཁོལ་དུ་ཕྱུང་ནས་ཟིན་བྲིས་སུ་བཏབས་པ་ཡིན། ཤོག་ངོས་12ངོས་སུ། 1995ལོར་ཀེ་ཊ་སི་ཀིལ་རི་རྒ...

༡༽ ཀོའུ་བ་དགོན་པའི་མིང་གི་བྱུང་བ། གནས་མཆོག་ཀོའུ་བ་དགོན་པ་ནི་ཀོའུ་བ་སྐུ་ཕྲེང་དང་པོ་གཞོན་ནུ་བྱང་ཆུབ་འོད་ཟེར་གྱིས་ཨན་ཆུང་གནམ་རྫོང་གི་སྒོམ་ཆེན་པ་མང་པོ་དང་ཧོར་མོག་ཁག་གི་བླ་དཔོན་དག་གིས་རམ་འདེགས་འོག མཚོ་སྔོན་ཁྲི་ཀ་འོག་མ་སྐར་མ་ཐང་དུ་རབ་བྱུང་དྲུག་པའི་དཀྱིལ༡༣༥༠ ཙམ་ལ་གསར་དུ་ཕྱག་བཏབས་པ་ཡིན་ལ། རྗེ་འདི་ཉིད་ཁྲི་ཀ་རྫོང་གི་ཨར་སྐོང་སྡེ་བའི་ཀོའུ་བ་ཟེར་བའི་ཚོ་བར་སྐུ་འཁྲུངས་པས། ཚོ་བའི་མིང་རྗེ་ལ་ཐོགས་ཤིང༌། རྗེ་ཉིད་ཀྱིས་ཕྱག་བཏབས་པའི་དགོན་པ་ལའང་ཀོའུ་བ་དགོན་ཞེས་མིང་ཐོགས་པ་ཡིན། ༢༽ ཀོའུ་བ་དགོན་པའི་བླ་སྤྲུལ་རིམ་བྱོན། ཀོའུ་བ་སྐུ་ཕྲེང་དང་པོ་རྗེ་ཀོའུ་བ་གཞོན་ནུ་བྱང་ཆུབ་འོད་ཟེར་ནི་རབ་བྱུང་དྲུག་པའི་སྟོད་ཙམ་ལ་མདོ་སྨད་ཁྲི་ཀའི་ཨར་སྐོང་དུ་༡༣༠༠ ཡས་མས་ལ་སྐུ་འཁྲུངས་ཤིང༌། སྐུ་ཆུང་དུས་ནས་ཡི་གེ་འབྲི་ཀློག་ཐོགས་མེད་དུ་མཁྱེན། ས་སྐྱར་ཕེབས་ཏེ་ས་སྐྱ་པ་ཏཱ་དབོན་གཞོན་ནུ་སེང་གེ་ལས་རབ་ཏུ་བྱུང་ཞིང་ཚུལ་ཁྲིམས་མིག་འབྲས་ལྟར་བརྩི་སྲུང་མཛད། ཏཱ་དབོན་གཞོན་ནུ་སེང་གེ་སོགས་བོད་དང་བལ་པོའི་མཁས་གྲུབ་ཆེན་པོ་དུ་མའི་ཞབས་ལ་གཏུགས་ནས་མདོ་སྔགས་རིག་པའི་གནས་ལ་གསན་སྦྱོང་མཛད་དེ་མཁས་པའི་སྙན་པ་ཐོབ། འགག་ཟའི་ཡུལ་དུ་ཆུ་མེད་པས་རྗེ་འདིས་རྫུ་འཕྲུལ་གྱི་སྟོབས་གྱིས་གདལ་སྣེ...

_________"བཀའ་ཤག་"ཅེས་པའི་ཐ་སྙད་ཀྱི་འབྱུང་ལ་རགས་ཙམ་དཔྱད་པ། བོད་གཞུང་གི་སྲིད་སྐྱོང་དབང་ཆ་ཆ་ཚང་ཡོད་པའི་ལས་ཁུངས་མཐོ་ཤོས་དེ་ཡིན་ཅིང༌། དེར་སྲིད་འབྱོར་རིག་གསུམ་དམག་དོན་དང་བཅས་པའི་འགན་དབང་ཆ་ཚང་བ་ཡོད་པ་ཡིན། འོན་ཀྱང་དེང་གི་ཟམ་གདོང་རིན་པོ་ཆེས་དབུ་ཁྲིད་པའི་བཀའ་བློན་ལྷན་རྒྱས་བཞི་ལས་གྲུབ་པའི་བཀའ་ཤག་ལྟ་བུ་ལ་ཟེར་བ་འདྲ། བཀའ་ཤག་ཅེས་པའི་ཐ་སྙད་འདི་དེ་སྔ་བདག་གིས་མཐོང་བའི་བོད་ཀྱི་ཡིག་ཆ་སྔ་ཤོས་ནི་རྡོ་རིང་པཎྜི་ཏའི་རྣམ་ཐར་༼དུས་རབས་བཅོ་བརྒྱད་པའི་དཀྱིལ་ཙམ་ལ་བརྩམས།༽ཡིན་ནམ་སྙམ་ཞིང༌། རྡོ་རིང་པཎྜི་ཏའི་རྣམ་ཐར། ༼༡༩༨༧ལོ་སི་ཀྲོན་མི་རིགས་དཔེ་སྐྲུན་ཁང༌།༽དེའི་གྲངས་༦༤ལས། "བཀའ་ཤག་དྲུང་ཡིག་གཞིས་བརྩེ་བཀྲས་མཐོང་པ་དང༌། ལྷ་ས་རག་ཁ་ཚ་ཚུལ་བ། བཀའ་མགྲོན་མཉེས་ཐང་བདེ་སྐྱིང་གླིང་པ། བཀའ་ཤག་འགག་པ་བསམ་ཡས་ལྷ་ཁང་པ་བཅས་སྐྱབས་མགོན་སྲིད་ཞིའི་གཙུག་རྒྱན་རྒྱལ་མཆོག་སྐལ་བཟང་རྒྱ་མཚོས་དབྱིངས་བཅད་ཀྱིས་གསར་བསྐོས་མཛད་དེ།"ཞེས་བཀའ་དྲུང་རྣམ་པ་ཇི་ལྟར་བསྐོ་བཞག་གནང་སྐོར་འཁོད་པ་དེ་ཡིན་ཞིང༌། དེའི་སྔོན་གྱི་ཡིག་ཆ་འགར་བཀའ་བློན་ཤག་ཟེར་བ་ལས་བཀའ་ཤག་ཟེར་བའི་ཐ་སྙད་འདི་མི་སྣང་ངོ༌།། སྡེ་སྲིད་སངས་རྒྱས་རྒྱ་མཚོའི་བླང་དོར་གསལ་བར་སྟོན་པའི་དྲང་ཐིག་དྭངས...

དེ་རིང་ནམ་སྟོད་དུས་ཚོད་གསུམ་དང་ཕྱེད་ཡོལ་ཙམ་ལ་རྒྱ་གར་ལྷོ་ཕྱོགས་ཀྱི་མཐའ་གྲོང་ཁྱེར་ཁན་ཡ་ཀུ་མ་རི་ཟེར་བ་ནས་ནུབ་ཕྱོགས་སུ་རྒྱང་ཁྱད་སྤྱི་ལེ་༡༨༠ ཙམ་ན་ཡོད་པའི་གྲོང་ཁྱེར་མ་རྡོ་རེ་ཡ་ཟེར་བར་འབྱོར་བྱུང་། མེ་འཁོར་འབབ་ཚིགས་ནས་གོམ་པ་བདུན་བརྒྱ་ཙམ་གྱི་སར་འགྲུལ་ཁང་སྟབས་བདེ་ཞིག་བཙལ། དུས་ཚོད་ཉེར་བཞི་ལ་ཧིན་སྒོར་༥༠༠ རེ་རེད་འདུག ཁང་པ་ཐོག་བརྩེགས་དྲུག་པའི་ནུབ་ངོས་རེད། ཉལ་ཁྲི་ཆེ་བ་གཅིག་དང་གསང་སྤྱོད་ཁྲུས་ཁང་རང་འགྲིག གཙང་ཞིང་དག་ལ་ཆེ་ཆུང་ཡང་རན་ཙམ་རེད། ཁང་བའི་ཐོག་ཁ ནས་བལྟས་ན་གྲོང་ཁྱེར་མ་རྡོ་རེ་ཡའི་ནང་གི་ཧིན་དྷུ་ལྷ་ཁང་ཆེ་ཤོས་དང་གྲགས་ཅན་ཤྲི་མ་ནེག་ཤི་ཟེར་བ་དེའི་སྟོད་ཕྱེད་ཙམ་ཡང་མཇལ་ཐུབ་པས་ས་གནས་འདིར་སྙེགས་ནས་འོང་བའི་དོན་སྙིང་ལྡན་སོང་སྙམ། ང་ས་གནས་གང་དུ་འབྱོར་ཡང་ཐོག་མར་སྡོན་གནས་འགྲུལ་ཁང་འཚོལ་བ་དང་། དེ་ནས་གཟུགས་པོ་ཁྲུས། ངལ་གསོ་ཅུང་ཙམ་བྱས་རྗེས་རྗེས་མའི་གནས་སྐོར་བྱ་ཡུལ་གྱི་མེ་འཁོར་དང་རླངས་འཁོར་སྤ་སེ་རེག་ཐབས་བྱེད་ཀི་ཡོད། དེ་རིང་ཡང་ནམ་རྒྱུན་བཞིན་གཟུགས་པོ་ཁྲས་རྗེས་མེ་འཁོར་འབབ་ཚིགས་སུ་སོང་སྟེ་གནངས་ཉིན་འགྲོ་བའི་གནས་གལ་ཆེན་ར་མེ་སི་ཝ་རའི་མེ་འཁོར་སྤ་སེ་ཉོས་པ་ཡིན། ད་དུང་ར་མེ་སི་ཝ་ར་ནས་གྱོང་ཁྱེར་ཆེན་པོ་ཅན་ནའེ་དང་དེ་ནས་ནུབ་ཕྱོགས་ལྡི་ལ...

དེ་རིང་ཞོགས་པ་ནས་ernakulam གྲུ་གཟིངས་ལ་ཞུགས་ཏེ་ Fort Cochin ཞེས་པར་སོང་བ་ཡིན། དེ་ནི་Ernakulam ནས་སྤྱི་ལེའུ་གསུམ་ཙམ་ན་ཡོད་ཅིང་གྲུ་གཟིངས་ཚང་མ་གཞུང་གིས་གཏོང་བཞིན་འདུག་ལ་གྲུ་གླ་སྒོར་གཉིས་དང་ཨ་ན་བརྒྱད་(སྒོར་གཅིག་གི་ཕྱེད་ཀ)རེད་འདུག གནས་དེར་ཡུལ་སྐོར་བ་མང་ཞིང་དཔེ་ཚོང་ཁང་དང་གཙོས་ཚོང་རྫས་སྣ་ཚོགས་དང་གནའ་དངོས་བཤམས་སྟོན་ཁང་ཁོ་ཆེན་གྱི་རྒྱལ་པོ་རིམ་བྱུང་གི་དངོས་རྫས་དང་ལོ་རྒྱུས་པར་བཅས་དང་། རྒྱ་གར་ནང་ཆེས་སྔ་བའི་ཡེ་ཤུའི་ཆོས་ཁང་སོགས་ལྟ་ས་མང་། (ཁོ་ཆིན་གྱི་རྒྱ་གར་མཚོ་དམག་གི་དབུས་སྲིད་གཞུང་གི་ཁང་པ།) ཨར་ཆེའོ་ལོ་རྗེ་ཁོལ་ Archeological Museum བཤམ་སྟོན་ཁང་དུ་ཕྱི་རྒྱལ་དང་ཡུལ་མི་ཁྱད་མེད་དུ་སྤ་སེ་སྒོར་ལྔ་རེ་རེད་འདུག བཤམ་སྟོན་ཁང་གི་སྒོའི་ནང་དུ་བུད་མ་ཐག་ནས་ར་མ་ཡ་ཎའི་རྟོག་བརྗོད་ལྡེབ་རིས་རྩིགས་ངོས་ཁེབས་པ་ཁང་པ་གྱན་འགའ་འདུག་ལ། རི་མོ་རྣམས་ལ་ཅུང་རྙིང་ཤོས་ལྡན་ཁར་ར་མ་ཡ་ཎའི་གཏམ་རྒྱུད་ཀྱི་བྱུང་རིན་ལྟར་དུ་བཀོད་འདུག་པས་ར་མ་ཡ་ཎའི་རྟོག་བརྗོད་མཇལ་མྱོང་མཁན་ཞིག་གམ་དེར་རྒྱུས་ཅུང་ཡོད་མཁན་ཞིག་ཡིན་ཚེ། འདི་ནི་དེ་དང་དེ་ནི་འདིའོ་སྙམ་པའི་ཀ་ངོ་ཡིག་ངོ་རེ་འཕྲོད་རྒྱུར་ཕན་ཐོག་ཆེས་ཆེར་ལྡན་ཏེ། ར་མ་ཡ་ཎས་འཕྲུལ་གྱི་རི་དྭགས་བདའ་ནས་མཐར་གར་སོང་མ་རྙེ...

________ངའི་བཞུད་ལམ་དུ། ༼ཁག་ལྔ་བ།༽ དོ་དགོང་ང་ཡོད་ས་འདི་ནི་རྒྱ་གར་གྱི་གྲོང་རྡལ་རེཤ་ཥེཤ་ཞེས་པ་མི་སྟེགས་ཕྱི་རོལ་གཅེར་བུ་བ་དང་ཧིན་དྷུའི་ས་ཏྭ་མང་ཞིང་། དེང་གི་འཛམ་གྲིང་ཤར་ནུབ་ཀྱི་སྐྱེ་བོ་ཀུན་གྱི་དང་དོད་བྱེད་བཞིན་པའི་ཡོ་ག་"Yoga"༼འདི་ལ་ཚིག་དོན་གྱི་འགྲེལ་བ་ངོ་མཚར་བ་རེ་འདུག་པ་གཞན་དུ་འཆད་༽ཞེས་པའི་ལུས་སྦྱོང་མཁས་པ་དགེ་རྒན་དང་མང་པའི་གནས་ཞིག་ཡིན་ལ། གྲོང་ཁྱེར་རྡེ་ར་རྡུན་གྱི་ཤར་ལྷོའི་ཕྱོགས་སྤྱེ་ལེ་༤༣་ཙམ་གྱི་སར་འདུག ངས་ཐོག་མར་ས་གནས་འདིའི་མིང་གི་ཐོག་ཚུལ་དང་དེའི་འགྲེལ་ཙམ་བྱས་ན། རེཤ་ནི་ Reshi ༼ऋषि༽དྲང་སྲོང་སྤྱིའམ་བྱེ་བྲག་པ་ཞིག་གི་མིང་དང་། ཡང་ན་དབང་ཕྱུག་གི་མིང་གི་རྣམ་གྲངས་སུའང་འདོད་ཅིང་། ཥེཤ་kash༼केश༽ཞེས་པ་ནི་སྐྲ་སྟེ་དབུ་སྐྲ་ལ་འཇུག་ཅིང་། དྲང་སྲོང་རལ་བའམ་ཡང་ན་དབང་ཕྱུག་གི་རལ་བ་ཞེས་པ་མིན་ནམ་ཡང་སྙམ་སྟེ། གངྒཱ་ཞི་བའི་རལ་བ་ལས་བྱུང་བའི་གཏམ་རྒྱུད་ང་ཚོ་ལས་ཀྱང་ཆེས་ཆེར་སྙན་ཞིང་ཡ་མཚན་པའི་བཤད་རྒྱུན་འདུག་ཅིང་། འདི་ནས་ཐག་མི་རིང་བའི་ས་ན་ཁོང་ཚོའི་བཤད་ཀྱིན་པའི་གངྒཱའི་འགོ་ཁུངས་སྟེ་gangotri ཡང་འདུག་པས་རེ་ཞིག་འདི་ལྟར་འགྲེལ་བར་བྱ། རེཤ་ཁེཤ་ཞེས་པའི་གནས་འདི་ནི་ལུང་པ་ཁ་ཞིང་ཅུང་ཆེ་ལ་སྦུགས་དོགས་པ་དང་མདོ་ཡངས་པ་གཡས་གཡོན་ག...

ཉེ་ཆར་མཚོ་སྔོན་པོའི་བོད་ཡིག་ཟིན་བྲིས་དྲ་བ་སྒོ་ཕྱེ་བ་ནས་བདག་གིས་ཀྱང་དེར་རང་གི་སེམས་གཏམ་བཤད་སའི་ཟིན་བྲིས་ཞིག་གཉེར་ཁུལ་བྱས་པ་ཡིན་མོད། ལས་བྲེལ་གྱི་དབང་གིས་རྩོམ་ཡིག་རེ་གཉིས་ལས་འགོད་མ་ཐུབ་པར་དེ་མུར་ལུས་སོང་། ཁ་སྔོན་རང་གི་ཟིན་བྲིས་དེར་སྐོར་ཞིག་རྒྱག་སྐབས། བདག་གི་ཟིན་བྲིས་ཀྱི་མདུན་ངོས་སུ་“གོ་ཐོབ།” ཅེས་པའི་རྗེས་སུ་ “རྐང་ཐང་”ཞེས་བྲིས་འདུག་པ་དེ་མཐོང་བས་སེམས་སུ་རྩོམ་ཡིག་རྙིང་པ་འགའ་རེ་ཡོད་པ་དེ་ཚོ་དྲ་ངོས་སུ་འགོད་འདུན་ཤར། དེ་ལྟར་དུ་རྩོམ་ཡིག་རྙིང་པ་འགའ་རེ་དང་ལོ་འགའི་སྔོན་དུ་ཟིན་བྲིས་བཏབ་པའི་གནའ་བོའི་ལོ་རྒྱུས་ཐོག་གི་ཐ་སྙད་ “ཏ་ཟིག་”གམ་ “སྟག་གཟིག་”ཅེས་པའི་ཐ་སྙད་ཀྱི་བསྡུས་དོན་ཞིག་ཀྱང་དྲ་ངོས་སུ་བཀོད་པ་ཡིན། ༼ http://t.amdotibet.cn/u/Chen/archives/2010/5429.html ༽རྩོམ་རྙིང་དེ་ཀློག་མཁན་འགའ་རེ་བྱུང་ཡོད་པར་དགའ་བསུ་ཞུས་པ་དང་ཆབས་ཅིག དགེ་མེ་སྟག་ལགས་ཀྱིས་ཁོང་གིས་ཀྱང་སྟག་གླིང་སྐོར་ལ་རྩོམ་ཡིག་ཅིག་བྲིས་ཡོད་པས་དེར་བསམ་ཚུལ་རེ་ཡོད་ན་ཞེས་སྐུལ་གནང་འདུག་པར་དེ་རིང་སེམས་ལ་གང་ཤར་ཡི་གེར་བཀོད་དེ་དྲ་ཐོག་ཏུ་བཞག་པ་ཡིན། ཡིག་དོན་ནོར་བ་དང་གཏགས་ནོར་ཤོར་བ་སོགས་གང་ཡོད་ལ་དགོངས་དག་ཞུ་རྒྱུ་དང་། དགོངས་ཚུལ་དང་ལམ་སྟོན་གང་ཡོད་ལྷུར་པོར་གསུང་རོགས་...

གར་ལོག་ནི་གནའ་བོའི་མི་རིགས་ཤིག་གམ་སྟོབས་ཆེན་རྒྱལ་ཁབ་ཅིག་སྟེ། བོད་ཀྱི་ནུབ་བྱང་མཐའ་ཁུལ་དུ་གནས་སྡོད་བྱས་མྱོང་ཞིང༌། ཧོར་དང་ལི། དྲུ་གུ་དང་བོད་ཀྱི་སྟོད་མངའ་རིས་ས་ཁུལ་སོགས་ལ་ས་འབྲེལ་ཡིན་པ་མ་ཟད་ཕན་ཚུན་འབྲེལ་འདྲིས་ཀྱང་ཟབ་མོ་ཡོད། དེ་ཡང་ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་རྙིང་ཨང་P.T.1283 ལས།"འདི་ལ་བྱང་ངོས་སུ་ཡོད་པའི་གྲུ་གུའི་གནས་ཚུལ་ཞེས་ཀྱང་ཟེར།"ཡང༌། བྱབྱཧོར་དང༌། གར་ལོག་དང་གསུམ་བསྡོང་སྟེ།"ཞེས་དང༌།"ཧོར་དང༌། གར་ལོག་གིས། བ་མེལ་ཁ་གན་བསད་ནས། བྱབྱ༡ཞེས་དང༌།ཡང་«ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་»ཞེས་པར། "གར་ལོག་གི་ཕོ་ཉས་ཕྱག་འཚལ།"ཞེས་པ་སོགས་ནི་གར་ལོག་ཅེས་པའི་ཐ་སྙད་འདི་བོད་ཀྱི་ཡིག་ཐོག་ཏུ་ཐོན་པ་སྔ་ཤོས་དེ་ཡིན་ནམ་སྙམ། གར་ལོག་ཅེས་པ་ནི་དབྱི་སི་ལན་ཆོས་ལུགས་ཀྱི་གཙོ་བདག་མི་རབས་གཉིས་པ་ཀ་ལིབ་ཨུ་མར་གྱིས་ཕྱི་ལོ་༦༣༤ ནས་༦༤༤ བར་ལོ་བཅུ་གཅིག་ཙམ་སྲིད་དབང་བཟུང་ཞིང༌། དེའི་རིང་དུ་ཨཧཕེ་རི་ཀAfricaཡི་བྱང་ཕྱོགས་ཨེཇིབ་Egypt དང་སི་རིཡ་Syriaཨ་རབ་བྷེཡ་Arabia སོགས་དབང་དུ་བསྡུས་པ་དེར་རྒྱ་གར་ལོ་རྒྱུས་ཐོག་ཏུ་ཀ་ལིབ་བདག་གིས་བྲིས་པའི་ཏ་ཞིག་གམ་ཏ་ཟིག་ལ་གཟིགས་ཀྱི་རྒྱལ་ཁབ་ཏུ་འབོད་ཅིང༌།"དེ་སྒ...

(ཉིན་དང་པོ། ) ________རོ་ཐང་ལ་སོགས་བརྒྱུད་དེ་སླར་ཡང་རྐྱང་དཀྱིལ་ཐང་དུ་སླེབས་པ། རྐྱང་དཀྱིལ་ཐང་ནི་གླིང་གེ་སར་གྱིས་བདུད་ཨ་ཆུང་བཏུལ་བའི་སྐབས་སུ་གླིང་གི་དམག་སྒར་བརྒྱག་ས་ཡིན་པ་དང། གནས་དེར་རྐྱང་ཧ་ཅང་མང་པོ་ཡོད་པའི་སྐོར་སྔར་ནས་བཤད་ཟིན་མོད། དེ་རིང་ཡང་བསྐྱར་ལས་དོན་ཞིག་གི་སླད་དུ་ལ་དྭགས་སུ་འགྲོ་སྐབས་རྐྱང་དཀྱིལ་ཐང་དུ་ཞགས་འདུག་བྱ་རྒྱུའི་གོ་སྐབས་བྱུང་བས། སླར་ཡང་རང་གི་སྔར་བཀོད་སྙན་རྩོམ་ཞིག་ལས། ༼ རླངས་འཁོར་རྒྱུགས་འགྲོས་སྐྱི་སེར་རླུང་དང་བསྡེབས། །སྐད་ཅིག་ཙམ་གྱིས་རྐྱང་དཀྱིལ་ཐང་(pang)དུ་སླེབས། །གེ་སར་རྟ་ཡི་རྨིག་རྗེས་འཐོར་བ་རྙེད། །དཔའ་རྟུལ་བརྒྱད་ཅུའི་སྟོབས་རྔམ་དངོས་སུ་མཐོང༌། །༽ཞེས་པ་དེར་བསྐྱར་དྲན་ཐེངས་ཤིག་བྱས། མ་ན་ལི་ནས་ལ་དྭགས་བར་དུ་སྤྱི་ལེའུ་༤༨༥ ཙམ་ཡོད་ཅིང། སྤྱིར་གླ་བྱེད་རླུངས་འཁོར་ཆུང་བ་དེ་ཚོ་དུས་ཚོད་རེར་སྤྱི་ལེའུ་༤༠ རེར་རྒྱུགས་ཐུབ་པའི་དབང་དུ་བཏང་ན། དུས་ཚོད་༡༢ ནས་༡༣ ཙམ་གྱིས་ལ་དྭགས་སུ་སླེབས་ཐུབ་མོད། འོན་ཀྱང་ལ་དྭགས་ལ་འགྲོ་བའི་ལམ་ཁ་དེ་ཙམ་མི་བཟང་བས་ནམ་རྒྱུན་ཞོགས་པའི་དུས་ཚོད་༢།༣༠ ཙམ་ནས་ཕྱི་དྲོའི་དུས་ཚོད་༧ པ་ནས་༨ པ་ཡས་མས་ལ་ལ་དྭགས་སུ་སླེབས་ཐུབ་ཀྱི་ཡོད། དེ་ལྟ་ན་མ་ན་ལི་ནས་ལ་དྭགས་བར་དུ་དུས་ཚོད་༡༧ ནས་༡༨ ཙམ་གྱིས་...

བོད་གཞུང་གི་སྲིད་སྐྱོང་དབང་ཆ་ཆ་ཚང་ཡོད་པའི་ལས་ཁུངས་མཐོ་ཤོས་དེ་ཡིན་ཅིང༌། དེར་སྲིད་འབྱོར་རིག་གསུམ་དམག་དོན་དང་བཅས་པའི་འགན་དབང་ཆ་ཚང་བ་ཡོད་པ་ཡིན། འོན་ཀྱང་དེང་གི་ཟམ་གདོང་རིན་པོ་ཆེས་དབུ་ཁྲིད་པའི་བཀའ་བློན་ལྷན་རྒྱས་བཞི་ལས་གྲུབ་པའི་བཀའ་ཤག་ལྟ་བུ་ལ་ཟེར་བ་འདྲ། བཀའ་ཤག་ཅེས་པའི་ཐ་སྙད་འདི་དེ་སྔ་བདག་གིས་མཐོང་བའི་བོད་ཀྱི་ཡིག་ཆ་སྔ་ཤོས་ནི་རྡོ་རིང་པཎྜི་ཏའི་རྣམ་ཐར་༼དུས་རབས་བཅོ་བརྒྱད་པའི་དཀྱིལ་ཙམ་ལ་བརྩམས།༽ཡིན་ནམ་སྙམ་ཞིང༌། རྡོ་རིང་པཎྜི་ཏའི་རྣམ་ཐར། ༼༡༩༨༧ ལོ་སི་ཀྲོན་མི་རིགས་དཔེ་སྐྲུན་ཁང༌།༽དེའི་གྲངས་༦༤ ལས། “བཀའ་ཤག་དྲུང་ཡིག་གཞིས་བརྩེ་བཀྲས་མཐོང་པ་དང༌། ལྷ་ས་རག་ཁ་ཚ་ཚུལ་བ། བཀའ་མགྲོན་མཉེས་ཐང་བདེ་སྐྱིང་གླིང་པ། བཀའ་ཤག་འགག་པ་བསམ་ཡས་ལྷ་ཁང་པ་བཅས་སྐྱབས་མགོན་སྲིད་ཞིའི་གཙུག་རྒྱན་རྒྱལ་མཆོག་སྐལ་བཟང་རྒྱ་མཚོས་དབྱིངས་བཅད་ཀྱིས་གསར་བསྐོས་མཛད་དེ།”ཞེས་བཀའ་དྲུང་རྣམ་པ་ཇི་ལྟར་བསྐོ་བཞག་གནང་སྐོར་འཁོད་པ་དེ་ཡིན་ཞིང༌། དེའི་སྔོན་གྱི་ཡིག་ཆ་འགར་བཀའ་བློན་ཤག་ཟེར་བ་ལས་བཀའ་ཤག་ཟེར་བའི་ཐ་སྙད་འདི་མི་སྣང་ངོ༌།། སྡེ་སྲིད་སངས་རྒྱས་རྒྱ་མཚོའི་བླང་དོར་གསལ་བར་སྟོན་པའི་དྲང་ཐིག་དྭངས་ཤེལ་མེ་ལོང་ལས། “བཀའ་བློན་ཤག་གི་ལས་ཚན་པས་གཞུང་ལས་འགང་ཆེན་རྣམས་རྒྱལ་དབང་ཐམས་ཅད་མཁྱ...

(ཏུན་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ་མ་ཡིག་ཨང་P.T.900.ལས་དེ་བཞིན་གཤེགས་པས་རྒྱལ་པོ་གོ་འཕངས་བཏུལ་བ་ཞེས་པ་ལས་གོ་བདེར་ཕབས་པ།) གནའ་སྔ་མོ་རྒྱལ་པོ་ཞིག་གིས་རང་གི་སྲས་ཡི་གེ་སློབ་ཏུ་གཏོང་བ་ལ། རོལ་མོར་མཁས་པའི་སྤྲེའུ་གཅིག་ཕྱི་བཞིན་དུ་བཏང་། ལམ་དུ་རྒྱལ་སྲས་ཤིང་ཀུན་ཙ་ལའི་གྲིབ་འོག་ལ་ཉལ་ཞིང་ངལ་གསོ་བ་དང་སྦྲང་མ་མི་འོང་བར་སྤྲེའུ་ལ་སྲུང་དུ་བཅུག སྤྲེའུས་ཤིང་སྟེང་ལ་བལྟས་ནས་ཀུ་ཤུ་གཅིག་འདུག་པ་མཐོང་ནས། ཀུ་ཤུ་ལེན་དུ་ཤིང་སྡོང་ལ་འཛེགས། རྐེད་ཙམ་དུ་བསླེབས་པ་དང་ཕྱིར་བལྟས་བར་རྒྱལ་སྲས་ཀྱི་ཞལ་ལ་སྦྲང་བུ་གཅིག་བབས་ཤིང་ཟ་བཞིན་འདུག་པ་མཐོང་ནས། སྤྲེའུ་སྐྲགས་ཏེ་ཤིང་སྡོང་ལས་བབས་ནས་ལག་པ་གཉིས་ཀྱིས་རྡོ་ཞིག་བླངས་ཏེ་སྦྲང་མ་ལ་བསྣུན་པ། སྦྲང་མ་མ་སོད་པར་འཕུར། རྒྱལ་སྲས་དེར་བསད། སྤྲེའུ་འཇིགས་ཏེ་རིའི་ཕ་རོལ་ཏུ་འབྲོས་སྙམ་ནས་སོང་སོང་བ་དང་། བར་གྱི་ཆུ་ཆེན་པོ་ཞིག་ལ་མ་ཐར་ཏེ་རྡུགས་པ་ལས། མི་གླང་དེད་ཅིག་འོངས་ཏེ་མི་དེས་གླང་གི་མཇུག་མར་འཇུས་ཏེ་ཆུར་བརྒལ་ནས་སོང་བ་དང་། སྤྲེའུས་དེ་མཐོང་ནས་སྙིང་ལ་ངས་ཀྱང་བདག་གི་མཇུག་མར་འཇུས་ཏེ་ཆུར་རྒལ་ན་ཐར་སྙམ་ནས་ཁོ་བོ་རང་ཉིས་ཀྱི་མཇུག་མར་འཇུས་ཏེ་ཆུར་ཞུགས་པས་ཆུས་འཁྱེར་ཏེ་ཤིའོ།། ༢༠༠༣ ལོའི་ཟླ་༦ པའི་ཚེས་༡༡ ཉིན་ས་རཱ་མཐོ་...

གཏན་དུ་ཡལ་ཟིན་པའི་བྱིས་སྒྲུང་ཞིག་ཆེད་དུ་གླེང་བ། ___________མཚམས་རེར་བྱིས་པ་བཞི་རེ་ལྔ་རེས་རང་རང་གི་ཁ་མཐུན་ཕྱོགས་ཀྱིས་སློབ་གྲྭའི་གྱང་རྩ་དག་དང་། ཡང་ན་གད་རྩ་དག་ན་མགོ་བོ་རིག་རིག་གིས་གཅིག་གིས་སྒྲུང་བཤད་ཅིང་གཞན་ཚོས་ཉན་བཞིན་ཡོད། ཕ་མ་དང་ནང་མིས་བཤད་པའི་སྒྲུང་རྣམས་མཁས་ཉམས་དང་བཅས་་སློབ་གྲོགས་ཚོར་བཤད་པ་དང་། སློབ་གྲྭ་ནས་གོ་བའི་སྒྲུང་རྣམས་ཕྱིར་ནང་དུ་ཡོང་ནས་རང་གི་ནང་མིར་བཤད་བཞིན་ཡོད། ང་རང་ཆུང་ཆུང་བྱིས་པ་ཡིན་དུས། ཕ་མ་གཉིས་ཀ་གཙོས་ཕུ་བོ་དང་ཨ་ལྕགས་ཚོས་དགོང་མོའི་ནུབ་ཚ་འཐུང་ཚར་བ་དང་ཟངས་དང་དཀར་ཡོལ་བཀྲུས་རྗེས། ཚང་མ་ཚབ་ཐབ་ཐོག་ཏུ་བུད་དེ་མདོ་གདུགས་སྒྲོལ་གསུམ་ཚར་འགའ་བཏོན་རྗེས་རང་རང་གི་ཉལ་སར་འཛུལ། དེ་ནས་ཕ་མ་གཉིས་ནས་མགོ་འཛུགས་ཀྱིས་ཕུ་བོ་དང་གཅེན་མོ་ཚོས་ཕན་ཚུན་ལ་གནའ་སྒྲུང་འདྲ་མིན་བཤད་བཞིན་རང་རང་གཉིད་མ་ལོག་གི་བར་དུ་འདུག འདི་ནི་སྐབས་དེའི་ངེད་ཚང་གི་ནམ་རྒྱུན་གྱི་དགོང་མོའི་འགྲོ་ལུགས་ལྟ་བུར་གྱུར་འདུག ངས་ཀྱང་རང་གི་ལོ་ཚོད་དང་བསྟུན་ནས་ཁོང་ཚོས་བཤད་པའི་གནའ་སྒྲུང་སྙན་མོ་དེ་དག་རེ་རེ་བཞིན་རང་བློར་ངེས་ཐབས་ལ་འབད་པ་ཡིན་ལ། སློབ་གྲྭ་ནས་ཀྱང་སློབ་གྲོགས་བྱིས་པ་ཚོ་དང་ལྷན་དུ་འཛིན་གྲྭ་ནམ་གྲོལ་དང་བར་གསེང་ནམ་ཡོད་ལ་ཕན་ཚུན་ལ་སྒྲུང་བཤད་རེས་...

༄༅། །འབྲོག་རི་བོ་ཆེ་དགའ་ལྡན་རྣམ་པར་རྒྱལ་པའི་གླིང༌ཕྱག་བཏབ་ནས་མི་ལོ་ཧྲིལ་བོ་༦༠༠ འཁོར་བ། དེ་རིང་ནི་འབྲོག་རི་བོ་ཆེ་དགའ་ལྡན་རྣམ་པར་རྒྱལ་བའི་གླིང་ཞེས་ཡོངས་སུ་གྲགས་པའི་དགེ་ལུགས་པའི་མ་དགོན་ཆེན་པོ་འདི་ཉིད་ཕྱག་བཏབ་(༡༤༠༩)སྟེ་ལོ་མི་ཧྲིལ་བོ་༦༠༠་འཁོར་བ་དང་། ཡབ་རྗེ་བླ་མ་ཙོང་ཁ་པ་ཆེན་པོ་སྐུ་འཁྲུངས་(༡༣༥༧)ནས་མི་ལོ་ཧྲིལ་བོ་༦༥༣་ཙམ་དང་། ཁོང་སྐུ་འདས་(༡༤༡༩)ནས་མི་ལོ་ཧྲིལ་བོ་༥༨༩་སོང་བའི་དགོངས་རྫོགས་དུས་ཆེན་དང་སྟབས་བསྟུན། གུས་པས་འདིར་དགའ་ལྡན་དགོན་པའི་ལོ་རྒྱུས་སྙིང་བསྡུས་ཙམ་རྩོམ་སྒྲིག་གིས་བཀོད་པ་འདིས་ཀྱང་། རྒྱལ་བསྟན་དར་ཞིང་རྒྱས་ལ་ཡུན་དུ་གནས་པའི་རྒྱུ་ཕྲ་མོར་གྱུར་ཅིག་གུ། དེ་ཡང་ཇི་སྐད་དུ། འཇམ་དཔལ་རྩ་རྒྱུད་ལས། དེ་ཚེ་དགོན་ཆེན་རབ་དགའ་བ། །ཁ་བ་ཅན་ན་ཡོད་པ་ཡིན། །ཞེས་དང༌། མདོ་སྡེ་གདམས་ངག་འབོགས་པའི་རྒྱལ་པོ་ལས། མ་འོངས་སྙིགས་མའི་དུས་སུ་ནི། །འབྲི་དང་ལྡན་པའི་ས་མཚམས་སུ། །དགེ་ཞེས་བྱ་པའི་དགོན་པ་འདེབས། །བློ་བཟང་ཞེས་པའི་མིང་ཅན་འབྱུང༌། །ཞེས་དང༌། ཡང༌། སློབ་དཔོན་པདྨའི་བཀའ་ཡིག་ལས། དགའ་ལྡན་ཞེས་བྱའི་དགོན་གནས་དམ་པ་རུ། །ཞེས་སོགས་མདོ་རྒྱུད་བསྟན་བཅོས་དུ་མ་ནས་ལན་གཅིག་མིན་པར་ཡང་ཡང་ལུང་གིས་བསྔགས་པའི་རི་བོ་དགེ་ལྡན་པའི་མ་དགོན་འབྲོག་རི་བོ་ཆེ་དག...